Gilas

Azərbaycan Cənubi Qafqazın ən böyük gilas istehsalçılarından biridir. Gilas daha çox Göyçay, İsmayıllı, Şəki–Zaqatala, Quba–Xaçmaz, Gəncə–Qazax və Naxçıvan bölgələrində yüksək keyfiyyətlə yetişdirilir. Son illərdə həm istehsal, həm də ixrac sürətlə artır.

Azərbaycanda ən çox yetişdirilən və ixrac olunan əsas sortlardan biri Ziraat 0900 (və ya Napoleon 0900) sortudur.

Ziraat 0900 gilasının əsas xüsusiyyətləri:

• Tünd qırmızı rəngdədir, bəzən demək olar ki, qara çalara qədər tündləşir.

• Qabığı parlaq, hamar və çatlamaya davamlıdır.

• Meyvələri uzun saplıdır.

• İçində bir dənə çəyirdək olur.

• Əti çox şirəli və şirin olur.

• Daxili hissəsi də tam qırmızı rəngdədir.

Bu sort həm görünüşü, həm dadı, həm də daşınmaya davamlılığı ilə həm yerli bazarda, həm də ixracda ən yüksək tələbat görən gilas növüdür.